“Neftçi”nin oyunlarının yeri dəyişdirildi

Misli Premyer Liqasında “Neftçi” ilə “Səbail” arasında keçiriləcək oyunların yeri dəyişdirilib.

Komanda.az xəbər verir ki, bu barədə Peşəkar Futbol Liqası məlumat yayıb.

Bildirilib ki, “Bakcell Arena”nın qazonunda aparılacaq yeniləmə işləri ilə əlaqədar “Neftçi” 7-ci turda “Səbail”lə matçın səfərdə oynanılmasını istəyib. Qəsəbə təmsilçisi də buna razılıq verdiyindən, 1-ci dövrənin qarşılaşması “ASCO Arena”da olacaq.

Əvəzində 2-ci dövrənin 15-ci turundakı matçda “Neftçi” “Səbail”i qəbul edəcək.

Bizi Telegramda izləyin