Namik Ələskərov məşqlərə başladı

“Neftçi”nin futbolçusu Namik Ələskərov fərdi məşqlərə başlayıb.

Komanda.az xəbər verir ki, Ələskərov bununla bağlı özünün “instagram” hesabında paylaşım edib. O, idman zalından fotosunu paylaşaraq, məşqlərə başladığını bildirib.

Namik “Neftçi”nin UEFA Çempionlar Liqasının 2-ci mərhələsinin Yunanıstanın “Olimpiakos” komandası ilə oyununda (0:1) üzündən ciddi zədə almış və əməliyyat olunmuşdu.

“Neftçi” hazırda Avropa Liqasının 3-cü mərhələsində Finlandiyanın HİK komandası ilə mübarizə aparır. “Ağ-qaralar” ilk matçda rəqibi ilə 2:2 hesablı heç-heçə edib. Komandalar arasındakı cavab matçı avqustun 12-də, Finlandiyada keçiriləcək.