“Neftçi”nin formaları hərraca çıxarılacaq

Dünyanın ən yaxşı idmançılarının rəsmi oyunlarda geyindikləri və imzaladıqları unikal köynəklərin hərrac yolu ilə satışında qlobal lider olan “MatchWornShirt” ilə “Neftçi” əməkdaşlığa başlayıb.

Komanda.az xəbər verir ki, bu barədə “ağ-qaralar”ın mətbuat xidməti məlumat yayıb.

Bu əməkdaşlıq çərçivəsində, “Neftçi”nin oyunlarda geyinilmiş və imzalanmış formaları hərrac vasitəsilə azarkeşlərə təqdim olunacaq. Bu, azarkeşlərə sevimli komanda və oyunçularının xatirə əşyalarını əldə etmək üçün unikal bir fürsət yaradır.