“Neftçi”nin baş məşqçisinin mətbuat konfransının vaxtı açıqlandı

UEFA Avropa Konfrans Liqasının 2-ci təsnifat mərhələsi çərçivəsində avqustun 3-də, saat 21:00-da 8-ci km stadionunda keçiriləcək “Neftçi” – “Jelezniçar” oyunundan əvvəl “ağ-qaralar”ın baş məşqçisi Adrian Mutu və kapitan Emin Mahmudovun iştirakı ilə mətbuat konfransı təşkil olunacaq.

Komanda.az “Neftçi”nin “feysbuk” hesabına istinadən xəbər verir ki, tədbir avqustun 2-də, saat 18:30-dan etibarən 8-ci km stadionunda keçiriləcək. Konfransdan sonra, saat 19:00-da isə “Neftçi”nin media nümayəndələri üçün açıq məşqi (ilk 15 dəqiqəsi) baş tutacaq.

Eyni məkanda həmin gün saat 19:30-da “Jelezniçar”in baş məşqçisi Nermin Başiç və futbolçu Edin Rustemoviçin iştirakı ilə mətbuat konfransı, saat 20:00-da isə komandanın açıq məşqi (ilk 15 dəqiqəsi) olacaq.

“Neftçi” səfərdəki ilk matçda 2:2 hesablı heç-heçə edib.