“Neftçi”ni “Sumqayıt”a dəyişdi

“Neftçi”nin basketbolçusu Kamran İmanov “Sumqayıt”a keçib.

Komanda.az xəbər verir ki, bu barədə Sumqayıt təmsilçisinin mətbuat xidməti məlumat yayıb.

Bildirilib ki, 2 metr boya malik hücumçu bundan sonra “Sumqayıt”ın formasını geyinəcək. Kamran İmanov bu mövsüm “Neftçi”nin heyətində 2 oyunda meydançaya çıxıb.

“Sumqayıt” Azərbaycan Basketbol Liqasında 11 turdan sonra 14 xalla 8-ci pillədə qərarlaşıb. Komanda 12-ci turun matçını bu gün “Sərhədçi”yə qarşı keçirəcək.