![](https://komanda.az/wp-content/uploads/2019/07/IMG_D46FA4-F3AD4D-1C6913-70310B-27930F-29C615.jpg)
“Neftçi”dən “Zirə”yə 8 qol
2018/19 mövsümündə 1-ci divizionun bürünc medallarını qazanmış “Neftçi”nin əvəzedici komandası yeni mövsümün hazırlığına başlayıb.
Komanda.az xəbər verir ki, iyulun 15-dən etibarən klubun bazasında məşq edən “ağ-qaralar”ın əvəzediciləri artıq ilk yoxlama oyununda da qüvvəsini sınayıb. Sözügedən kollektiv həmin məkanda keçirilmiş “Zirə-2” ilə yoxlama oyununda 8:2 hesablı qələbə qazanıb.
Avqustun 1-dək hazırlığı doğma bazada davam etdirəcək “Neftçi-2” iyulun 27-də “Sumqayıt-2” ilə sınaq matçında üz-üzə gələcək. “Ağ-qaralar” gələn ayın 2-dən 14-dək “Ruslan-93”də təlim-məşq toplanışı keçəcək. Hazırlıq prosesi çərçivəsində 3 yoxlama oyunu nəzərdə tutulub.
Bizi Telegramda izləyin
Bizi Facebook-da izləyin