“Neftçi” yeni transferiylə bağlı detalları açıqladı

“Neftçi”nin Moldova millisinin üzvü Petru Rakunu transfer etdiyini xəbər vermişdik.

Komanda.az klubun saytına istinadən xəbər verir ki, “Neftçi”nin 31 yaşlı müdafiəçiylə imzaladığı müqavilənin detalları açıqlanıb.

Rakuyla mövsümün sonuna qədər razılıq əldə olunub. O, “ağ-qaralar”ın heyətində 4 nömrəli formanı geyinəcək.

Sonuncu klubu “Şerif” (2017-2018) olan Raku Moldovanın “Zimbru” (2005-2007), “Veris” (2013-2014), “Milsami” (2015-2017), İsveçin “Norrçöpinq” (2007-2011), Finlandiyanın “MüPa-47” (2008) və Danimarkanın “Hyörrinq” (2012) klublarında da çıxış edib. O, Moldova milli komandasının heyətində 48 oyun keçirib.