“Neftçi” yeni transferini açıqladı

“Neftçi” paraqvaylı futbolçu Dieqo Qabriel Valdes Samudionu transfer edib.

Komanda.az xəbər verir ki, bu barədə paytaxt klubu məlumat yayıb.

Bildirilib ki, 29 yaşlı oyunçu “ağ-qaralar”la 1+1 il şərti ilə müqavilə bağlayıb. Valdes yeni komandasında 6 nömrəli formanı geyinəcək.

Dieqo Valdesin son klubu ölkəsində “Qvayrenya” olub. Orta sahə oyunçusu 2019-cu ildə Peru ilə yoldaşlıq görüşündə Paraqvay millisinin heyətində meydana çıxıb.