
“Neftçi” yeni sponsorla müqavilə imzaladı
“Neftçi” klubu ilə “Liv Bona Dea Hospital” arasında sponsorluq müqaviləsi bağlanıb.
Komanda.az xəbər verir ki, imzalama mərasimində “Neftçi”nin prezidenti Kamran Quliyev, vitse-prezident Elnur Eyvazov, “Liv Bona Dea Hospital”ın baş direktoru Taner Özbek və baş həkimi Cabir Gülmalıyev iştirak edib.
“Bakcell Arena” stadionunun konfrans zalında keçirilən imzalama mərasimində tərəflər 3 illik müqaviləyə imza atıblar.
Razılaşmaya əsasən, “Liv Bona Dea Hospital” “ağ-qaralar”ın sağlamlıq sponsoru olacaq. “Neftçi”, “Neftçi-2” və akademiyanın komandalarına ödənişsiz müayinə, müalicə, tibbi baxış və s. xidmət göstəriləcək, komandaların dərman ehtiyaclarının qarşılanmasına dəstək veriləcək.
Bizi Telegramda izləyin
Mehri Qurban
Bizi Telegramda izləyin
Bizi Facebook-da izləyin