“Neftçi” vurduğu qolların sayəsində mərhələ adladı”

Rusiyanın “Arsenal” (Tula) klubunun baş məşqçisi İqor Çerevçenko Avropa Liqasının 2-ci təsnifat mərhələsi çərçivəsində “Neftçi”yə qarşı keçirdikləri cavab oyununu şərh edib.

Komanda.az xəbər verir ki, o, 0:3 hesabıyla bitən oyundan sonra təşkil olunan mətbuat konfransında öncə bunları söyləyib:

• İlk hissədə üstünlük bizdə idi. Ancaq bu, o demək deyil ki, hesab dəyişir. Öz imkanlarımızdan istifadə etməliydik, edə bilmədik.
• Mərhələni keçməməyinizi avrokuboklarda debüt etməyinizə bağlamaq olarmı, yoxsa “Neftçi” sizdən üstün oldu?
• “Neftçi” qollarının sayəsində mərhələ keçdi. Təcrübə ilə əlaqəli deyil. Bizim oyunçular milli komandada oynayır, Avropa təcrübələri var. İlk avrokubok cəhdimiz uğursuz oldu.
• İlk oyundan sonra dediz “Neftçi” çox səviyyəli, eyni zamanda sərt komandadı.
• Mən “Neftçi”nin sərtliyi ilə bağlı bir şey deməmişəm.
• Hər hansı bir futbolçunuzun qarşısında məqsəd var idimi ki, liderlik etsin?
• Mən bütün məsuliyyəti özüm daşıyıram. Futbolçuların hər biri özünə görə lider olmalıdı.
• Qarşıdakı mərhələlərdə “Neftçi”nin şanslarını necə görürsüz?
• Təcrübəli komandadı. Yaxşı şansları var. Yüksək qiymətləndirirəm. Baş məşqçiləri “Şerif”lə avrokubokların qrup mərhələsində oynayıb. Onlara uğurlar arzu edirəm.

Şahin Cəfərov