“Neftçi” Mirbağır İsayevi təbrik etdi

“Neftçi”nin baş icraçı direktoru Fərrux Mahmudov veteran futbolçu Mirbağır İsayevi 50 illik yubileyi münasibətilə təbrik edib.

Komanda.az xəbər verir ki, klubun baş icraçı direktoru yubliyara ən xoş arzularını çatdırıb, ona xatirə hədiyyəsi təqdim edib.

1993-1995-ci illərdə “Neftçi”də çıxış etmiş İsayev “ağ-qaralar”la Azərbaycan kubokunun (1995) və superkubokunun (1995) qalibi olub. Təcrübəli mütəxəssis əsas komandada məşqçi, akademiyada baş məşqçi kimi də çalışıb.