“Neftçi” – “Jelezniçar” oyununa bilet qalmayıb

“Neftçi” ilə Bosniya və Herseqovinanın “Jelezniçar” komandası arasında keçiriləcək UEFA Konfrans Liqasının 2-ci təsnifat mərhələsinin cavab oyunu üçün biletlər bitib.

Komanda.az kluba istinadən xəbər verir ki, satışa çıxarılmış biletlərin hamısı satılıb.

Bu gün 8-ci km stadionunda oynanılacaq “Neftçi” – “Jelezniçar” matçı saat 21:00-da start götürəcək. Sarayevodakı ilk oyunda qalib müəyyənləşməyib – 2:2.