“Neftçi” Çempionlar Liqasında Türkiyə klubuna məğlub oldu

Neftçi”nin qadınlardan ibarət komandası UEFA Çempionlar Liqasının 1-ci təsnifat mərhələsinin 4-cü qrupunda Türkiyənin “Fomget” komandasına məğlub olub.

Komanda.az xəbər verir ki, Albaniyanın paytaxtı Tiranada keçirilən qarşılaşma rəqibin 2:0 hesablı qələbəsi ilə yekunlaşıb.

UEFA Çempionlar Liqasının 1-ci təsnifat mərhələsi yarımfinal və final matçlarından ibarətdir. “Neftçi”yə qalib gələn “Fomget” finalda İsrail təmsilçisi “Kiryat”la üz-üzə gələcək.