“Neftçi” bu gün Super Liqa təmsilçisi ilə göruşəcək

Yeni mövsümə hazırlığı Türkiyədə davam etdirən “Neftçi” bu gün növbəti yoxlama matçını keçirəcək.

Komanda.az xəbər verir ki, Roman Qriqorçukun rəhbərlik etdiyi komanda Türkiyənin Super Liqa təmsilçisi “Sivasspor”la qarşılaşacaq.

Bakı vaxtı ilə saat 18:00-da başlayacaq oyun Ərzurumdakı “Palandöken Yüksek İrtifa Camp Facilities”də keçiriləcək.

“Neftçi” ilk yoxlama matçında Super Liqanın digər təmsilçisi “Alanyaspor”u 3:1 hesabı ilə məğlub edib.