“Neftçi” azarkeşlərinin dəstəyi ilə məşq etdi

“Neftçi” futbol üzrə Azərbaycan Premyer Liqasının 15-ci turunda qarşılaşacağı “Qarabağ”la oyunun hazırlığını başa vurub.

Komanda.az xəbər verir ki, paytaxt klubu 8-ci km stadionunda oyun öncəsi son məşqə çıxıb. Məşqdə toplu və texniki-taktiki çalışmalar yerinə yetirilib. Stadiona gələn azarkeşlər “Qarabağ”la oyun ərəfəsində komanda üzvlərinə dəstək veriblər.

Xatırladaq ki, fevralın 3-də Tofiq Bəhramov adına Respublika stadionunda keçiriləcək “Qarabağ” – “Neftçi” matçı saat 18:30-da başlanacaq. Oyunu izləmək üçün “Neftçi” azarkeşlərinə stadionunun 5-ci və 6-cı sektorlarında yer ayrılacaq. Komandanın fanatları üçün giriş biletlə olacaq. Bilet satışı oyun günü saat 15:00-dan etibarən həmin stadionda həyata keçiriləcək. Biletlərin qiymətinin 1 AZN olacağı nəzərdə tutulub.