Nazarovdan növbəti qol, komandasından qələbə

Futbol üzrə Almaniya 2-ci Bundesliqasında 32-ci turun oyunları keçirilib.

Komanda.az xəbər verir ki, Azərbaycan yığmasının yarımmüdafiəçisi Dmitri Nazarovun formasını geyindiyi “Ersgebirge” də növbəti matçına çıxıb.

Sözügedən klub səfərdə “Yan Regensburq”la qarşılaşıb. Futbolçumuzun komandası bu oyundan qələbə ilə ayrılıb – 3:1.

Nazarov da bu görüşün iştirakçısı olub. O, 60-cı dəqiqədə meydana buraxılıb.

Komandasının ikinci qolunu da Nazarov vurub. Millimizin üzvü 61-ci dəqiqədə penaltidən dəqiq yararlanmaqla Aue təmsilçisini hesabda önə keçirib. O, 79-cu dəqiqədə sarı vərəqə də alıb.

“Ersgebirge” hazırda 39 xalla 18 iştirakçı arasında 12-ci pillədə qərarlaşıb.