Naqelsmann tələsmir

“Tottenhem” Antonio Konteni istefaya göndərdikdən sonra baş məşqçi axtarışlarını davam etdirir.

Komanda.az “Sky Sport”-a istinadən xəbər verir ki, Premyer Liqa təmsilçisi “Bayern”in keçmiş çalışdırıcısı Yulian Naqelsmannla əlaqə saxlayıb.

Almaniyalı mütəxəssislə “Real” və “Çelsi” də maraqlanır. O isə gələcəyi ilə bağlı qərar verməyə tələsmir.

Naqelsmann 2021-ci ilin yayından “Bayern”ə rəhbərlik edirdi. Bundesliqa klubu martın 24-də onu istefaya göndərib. Onu bu vəzifədə Tomas Tuxel əvəzləyib. Alman mütəxəssislə 2025-ci ilin iyununa kimi müqavilə imzalanıb.