“Lüksemburqlular çətin ki, bütün matçı qapıları önündə dayansınlar”

Almaniya millisi 2026-cı il dünya çempionatının seçmə mərhələsi çərçivəsində Lüksemburq yığması ilə qarşılaşacaq.

Komanda.az UEFA-nın mətbuat xidmətinə istinadən xəbər verir ki, Almaniya millisinin baş məşqçisi Yulian Naqelsmann bu matç barədə fikirlərini bölüşüb:

“Düşünürəm ki, rəqibimiz hücum futbolu oynamağa çalışacaq. Çətin ki, əvvəlki oyunda olduğu kimi, bütün matçı qapıları önündə dayansınlar. O zaman 70 dəqiqəni azlıqda keçirmişdilər”.

Lüksemburq – Almaniya matçı bu gün keçiriləcək. Naqelsmannın komandası ilk oyunda 4:0 hesabı ilə qələbə qazanmışdı.