Elmas “Barselona” ilə “Real”ı qarşı-qarşıya gətirdi

“Napoli”nin futbolçusu Elif Elmas karyerasını İspaniyada davam etdirə bilər.

Komanda.az xəbər verir ki, 22 yaşlı yarımmüdafiəçi ilə “Barselona” və “Real” klubları yaxından maraqlanır. Bu barədə İtaliya mətbuatı məlumat yayıb.

“Real”ın baş məşqçisi Karlo Ançelotti Şimali Makedoniyadan olan futbolçunun heyətə cəlb edilməsində israrlıdır. İtalyan mütəxəssis daha əvvəl “Napoli”də Elmasla birlikdə çalışıb.

“Barselona” isə yarımmüdafiə xəttini gəncləşdirmək və daha gücləndirmək üçün Elması komandaya cəlb etmək istəyir.

“Transfermarkt”da dəyəri 17 milyon avro olan Elmasın “Napoli” ilə müqaviləsi 2025-ci ilin yayına qədərdir.