“Napoli”dən Səudiyyə Ərəbistanı klubuna

“Napoli”nin futbolçusu Amin Yunes karyerasını Səudiyyə Ərəbistanında davam etdirəcək.

Komanda.az xəbər verir ki, 28 yaşlı yarımmüdafiəçi “Əl İttifaq” klubuna keçib. Bu barədə Dammam təmsilçisinin mətbuat xidməti məlumat yayıb. Yuneslə müddəti 2024-cü ilin yayına qədər olan müqavilə imzalanıb.

Amin 2018-ci ilin yayından “Napoli”də çıxış edirdi. O, bu mövsümün ilk hissəsini Almaniyanın “Ayntraxt” (Frankfurt) klubunda icarədə keçirib.