“Oturub ağlamaq yerinə, çıxış yolu tapmalıyıq” – Qattuzo

“Napoli”nin baş məşqçisi Cennaro Qattuzo Avropa Liqasının 1/16 final mərhələsində İspaniyanın “Qranada” komandasına qarşı keçirdikləri ilk oyundan sonra fikirlərini bildirib.

Komanda.az xarici mətbuata istinadən xəbər verir ki, Qattuzo, 0:2 hesabıyla uduzduqları görüşü belə şərh edib:

“Daha dəqiq olmalıydıq. İmkanlarımız oldu və bundan istifadə edə bilmədik. İndi növbəti mərhələyə yüksələcəyimiz barədə danışmaq mənasızdır. Əsas olan vacib futbolçularımızın geri dönməsidir. Matteo Politanonu itirdik, onun yerinə oynayacaq kimsə olmayanda, növbəti mərhələdən danışmağın nə mənası var? Hazırda 10-11 futbolçumuz yoxdur. Bu vəziyyətə görə oturub ağlamaq yerinə, çıxış yolu tapmalıyıq”.