“Napoli”dən 20 milyonluq transfer

“Napoli” heyətini yeni futbolçuyla gücləndirməyə hazırlaşır.

Komanda.az xəbər verir ki, A Seriyası təmsilçisi SPAL-dan Manuel Latsarini transfer etməyə yaxındır. Bu barədə İtaliya mətbuatı məlumat yayıb.

Xəbərdə, “Napoli”nin Latsari üçün SPAL-a 20 milyon avro ödəyəcəyi bildirilir.

25 yaşlı yarımmüdafiəçi mövsümün sonunda “Napoli”yə qoşulacaq.

Latsari cari mövsümdə 20 qarşılaşmada iştirak edərək, 7 məhsuldar ötürmə verib.