“Napoli” argentinalı futbolçu üçün 50 milyon avrodan çox ödəməyə hazırdır

“Napoli” hələ də “Mançester Yunayted”in vingeri Alexandro Qarnaçonun transferini tamamlayacağına ümid edir.

İtaliya klubunun 20 yaşlı futbolçuya marağı bir müddətdir ki, bilinir. Ancaq onun qiyməti ciddi maneə hesab olunur. “Qırmızı şeytanlar” 80 milyon avrodan çox tələb edirlər.

Komanda.az xarici KiV-ə istinadən xəbər verir ki, “Napoli” təslim olmur və argentinalı futbolçu üçün 50 milyon avrodan çox təklif etməyə hazırdır. Transferdə maraqlı olduğunu futbolçu özü də açıqlayıb.

Qarnaço bu mövsüm “Mançester Yunayted”in heyətində 31 oyunda 8 qol vurub və 5 məhsuldar ötürmə edib.