“Napoli” qışda Osimheni satmağa hazırdır

“Napoli” yanvarda hücumçusu Viktor Osimheni satmağa hazır olacaq.

Komanda.az “Metro”-ya istinadən xəbər verir ki, İtaliya klubu qış transfer pəncərəsində qaneedici təklif alacağı təqdirdə, nigeriyalı futbolçunu sata bilər.

“Qalatasaray” Osimheni mövsümün sonuna kimi icarəyə götürüb, lakin müqavilədə onun üçün top-klubdan təklif gələcəyi halda, yanvarda anlaşmanın bitə biləcəyi variantı var.

Osimhen yayda “Çelsi”yə keçə bilərdi, lakin tərəflər maaş məsələsini həll edə bilməyib.

25 yaşlı forvard cari Türkiyə çempionatında 3 oyunda 2 qol vurub, 2 məhsuldar ötürmə edib.