“Napoli” gürcü ilə danışıqlara başlayıb

“Napoli” rəhbərliyi 21 yaşlı gürcü vinger Xviça Kvaratsxeliyanın nümayəndələri ilə yeni müqavilə ilə bağlı danışıqlara başlayıb. 

Komanda.az xəbər verir ki, bu barədə “Calciomercato” məlumat yayıb.

Yeni müqaviləyə əsasən, Kvaratsxeliya ilə hazırkı razılaşma bir il – 2028-ci ilə qədər uzadılacaq. Eyni zamanda, futbolçunun maaşı indiki ilə müqayisədə iki dəfə artacaq.

Xviça 2022-ci ilin iyulunda “Napoli”yə keçib. O vaxtdan bəri o, İtaliya klubunun heyətində 14 oyuna çıxıb, 7 qol vurub və 8 məhsuldar ötürmə edib.