“Napoli” rəsmisi Kvaratsxeliyanın satılmasının səbəbini açıqlayıb

“Napoli”nin idman direktoru Covanni Manna gürcüstanlı vinger Xviça Kvaratsxeliyanın PSJ-yə keçidinin səbəbi haqda danışıb.

Komanda.az “Sky Sports”-a istinadən xəbər verir ki, o, bunu söyləyib:

“Hamı başa düşür ki, önəmli futbolçu klubu tərk edib. Kvaratsxeliyanın özü transfer xahişi ilə bizə müraciət etdi. Böyük futbolçular gəlib-gedirlər, amma biz işləməyə davam edirik”.

23 yaşlı futbolçunun transferi PSJ-yə 70 milyon avroya başa gəlib. Tərəflər 2029-cu ilin yayına qədər olan müqavilə imzalayıb.