“Napoli” gürcü futbolçuya yeni müqavilə təklif edib

Xviça Kvaratsxeliya “Napoli” ilə müqavilə müddətini uzada bilər.

Komanda.az xarici KİV-ə istinadən xəbər verir ki, İtaliya klubu gürcü vingeri ilə yeni sözləşmə üzərində işləri bərpa edib. Yeni müqavilə 2029-cu ilə qədər qüvvədə olacaq.

Neapollular Kvaratsxeliyaya illik 6 milyon avro maaşla müqavilə təklif ediblər. Tərəflər təzminat məbləğini müzakirə etməyə davam edirlər. Klub 100 milyon avro məbləğində israr edir.