Kvaratsxeliyanın maaşı 3 dəfə artırılacaq

“Napoli” yarımmüdafiəçi Xviça Kvaratsxeliya ilə müqaviləni uzatmağa yaxındır.

Komanda.az “Calciomercato”-ya istinadən xəbər verir ki, tərəflər hələ də müqavilənin müddəti və təzminat məbləği barədə razılığa gəlməlidirlər.

Futbolçunun maaşının üç dəfə – illik 1,5 milyon avrodan 4,5 milyona yüksələcəyi gözlənilir.

23 yaşlı gürcü futbolçu 2022-ci ilin yayından neapolluların heyətində çıxış edir.

Kvaratsxeliya bu mövsüm “Napoli”nin heyətində bütün turnirlərdə 38 matçda 10 qol vurub və 6 məhsuldar ötürmə edib.