“Napoli” çexiyalı futbolçu ilə anlaşıb

“Napoli” heyətini yeni futbolçu ilə gücləndirməyə hazırlaşır.

Komanda.az xarici KİV-ə istinadən xəbər verir ki, A Seriyası təmsilçisi “Fiorentina”dan çexiyalı hücumameyilli yarımmüdafiəçi Antonin Barakla razılığa gəlib. 

“Napoli” 29 yaşlı futbolçunu mövsümün sonuna qədər icarəyə götürəcək. Sözləşməyə əsasən, “Napoli” oyunçunu birdəfəlik ala bilmək haqqına da sahib olacaq.

Barak bu mövsüm 14 matçda (596 dəqiqə) meydana çıxıb və 1 qol vurub.