“Napoli” ərəblərin 130 milyon avroluq təklifini rədd edib

“Napoli” “Əl-Hilal”ın hücumçu Viktor Osimhen üçün təklifini rədd edib.

Komanda.az xarici KİV-ə istinadən xəbər verir ki, Səudiyyə Ərəbistanı klubu 24 yaşlı nigeriyalı üçün 130 milyon avro təklif etsə də, neapollular ən azı 200 milyon almaq istədikləri üçün bu təklifi rədd ediblər.

Osimhen ötən mövsüm “Napoli”nin heyətində bütün turnirlərdə 39 oyuna çıxıb, 31 qol vurub və 5 məhsuldar ötürmə verib. O, A Seriyasının bombardiri olub.