Nağıyevli “Obolon” səfər matçından xalsız döndü

Ukrayna Premyer Liqasında 3-cü turunun oyunları keçirilib.

Komanda.az xəbər verir ki, azərbaycanlı futbolçu Dmitri Nağıyevin komandası – “Obolon” da növbəti matçına çıxıb.

Sözügedən kollektiv bu turda Odessa “Çernomorets”i ilə üz-üzə gəlib. Futbolçumuzun komandası səfərdə baş tutan bu oyundan xalsız ayrılıb – 0:2.

Dmitri bu oyunun 67-ci dəqiqəsində meydana buraxılıb.

3 turdan sonra 1 xala malik “Obolon” 16 komanda arasında 11-cidir.