“Milan” “Real”ın futbolçusunu istəyir

“Real”ın müdafiəçisi Naço Fernandes karyerasını İtaliyada davam etdirə bilər. 

Komanda.az “Todofichajes” portalına istinadən xəbər verir ki, “Milan” ispaniyalı futbolçunu transfer etməkdə maraqlıdır. O, komandaya azad agent kimi qoşula bilər, çünki klubla müqaviləsi bu yay başa çatır.

34 yaşlı oyunçu 2012-ci ildən “Real”da çıxış edir. O, bu mövsüm İspaniya çempionatında 17 matçda iştirak edib.