Nəsirlinin vurduğu qol komandasına qələbə qazandırdı

Latviya çempionatında 35-ci turun oyunları keçirilib.

Komanda.az xəbər verir ki, azərbaycanlı futbolçu Ramin Nəsirlinin komandası “Dauqavpils” də növbəti matçına çıxıb.

Sözügedən kollektiv evdə “Liepaya” ilə qarşılaşıb və 2:1 hesablı qələbəyə sevinib.

Ramin də bu görüşün iştirakçısı olub. Start heyətdə meydana çıxan futbolçumuz 89-cu dəqiqədə əvəzlənib. Komandasının ilk qolunu da 39-cu dəqiqədə azərbaycanlı futbolçu vurub.

“Dauqavpils” hazırda 36 xalla 10 iştirakçı arasında 7-ci pillədə qərarlaşıb.

Müqavilə ilə “Neftçi”yə məxsus olan Ramin “Dauqavpils”də icarə əsasında forma geyinir.