Nəbiyevli “Viktoriya” səfərdə xal itirdi

Futbol üzrə Çexiya 2-ci divizionunda 25-ci turun oyunları keçirilib.

Komanda.az xəbər verir ki, azərbaycanlı futbolçular – Fərid Nəbiyevlə Samir Qurbanovun formasını geyindiyi “Viktoriya” (Jijkov) da növbəti matçına çıxıb.

Sözügedən komanda səfərdə “Vişehrad” ilə qarşılaşıb. Jijkov təmsilçisi bu oyundan heç-heçə ilə ayrılıb – 0:0.

Fərid də bu görüşün iştirakçısı olub. O, 64-cü dəqiqədə meydana buraxılıb. Cari mövsümdə iki qol vuran Nəbiyev bu dəfə fərqlənə bilməyib. Əvəzedici komandanın üzvü olan Samir isə bu görüşün iştirakçısı olmayıb.

“Viktoriya” hazırda 45 xalla 16 kollektiv arasında 3-cü pillədə qərarlaşıb.