Nəbiyevli “Slaviya”dan daha bir qələbə

Azərbaycanlı futbolçu Fərid Nəbiyevin formasını geyindiyi “Slaviya” Çexiyanın gənclər liqasında növbəti oyununu keçirib.

Komanda.az xəbər verir ki, sözügedən komanda 8-ci tur çərçivəsində doğma meydanda “Pribram”la qarşılaşıb. Futbolçumuzun komandası bu oyundan qələbə ilə ayrılıb – 2:1.

Fərid də bu görüşün iştirakçısı olub. O, start heyətdə meydana çıxıb və 71-ci dəqiqədə əvəzlənib. Cari mövsümdə 5 qol vuran futbolçumuz bu oyunda fərqlənə bilməyib.

“Slaviya”nın U-21 komandası 8 turdan sonra 15 xalla 16 iştirakçı arasında 3-cü pillədə qərarlaşıb.