Nəbiyevin yoxluğunda komandası evdə xal itirdi

Futbol üzrə Çexiya 2-ci divizionunda 26-cı turun oyunları keçirilib.

Komanda.az xəbər verir ki, azərbaycanlı futbolçu Fərid Nəbiyevin formasını geyindiyi “Viktoriya” (Jijkov) da növbəti matçına çıxıb.

Sözügedən kollektiv doğma meydanda “Opava” ilə qarşılaşıb. Jijkov təmsilçisi bu oyundan heç-heçə ilə ayrılıb – 2:2.

Fərid bu görüşün iştirakçısı olmayıb. Onun adı qarşılaşmanın iştirak ərizəsinə də daxil edilməyib.

“Viktoriya” 26 turdan sonra 11 xalla 16 kollektiv arasında sonuncu pillədə qərarlaşıb.