“Premyer Liqada ardıcıl 13 oyunda qalib gəlmək böyük uğurdur, amma…”

İngiltərə Premyer Liqasının 4-cü turu çərçivəsində səfərdə “Bernli”yə 3:0 hesabı ilə qalib gələn “Liverpul”un müdafiəçisi Vircil van Dayk açıqlama verib.

Komanda.az İngiltərə mətbuatına istinadən xəbər verir ki, matçın çətinliyindən danışan hollandiyalı futbolçu, ardıcıl 13 qələbə qazanmalarını şərh edib:

“Bernli” səfəri hər bir komanda üçün çətin olur. Bu matçda yaxşı nəticə əldə etdik. Bütün həftə ərzində necə oynayacağımızı məşq etdik. Komandamızın səviyyəsini nəzərə alaraq, nə qədər yaxşı çıxış edə biləcəyimizi başa düşürük. Artıq növbəti matça köklənmişik.

Premyer Liqada ardıcıl 13 oyunda qalib gəlmək böyük uğurdur, amma biz hələ də çempionluğu qazana bilməmişik. Milli komandaların oyunları ilə bağlı fasilədən sonra qələbə seriyamızı davam etdirməyə çalışacağıq”.