“Biz bunu bacarırıq, amma qol vura bilmirik” – Zidan

İspaniya La Liqasının 18-ci turu çərçivəsində “Atletik”lə 0:0 hesablı bərabərliyə razılaşan “Real”ın baş məşqçisi Zinəddin Zidan açıqlama verib.

Komanda.az klubun saytına istinadən xəbər verir ki, fransalı mütəxəssis, nəticəyə görə təəssüfləndiyini bildirib:

“Hər zaman belə oyunlardan sonra futbolçulardan narazı oluram. Əlimizə düşən qol epizodlarından istifadə edə bilmədik. Əlinə fürsət düşürsə, bundan istifadə etməlisən. Son üç oyunda qol epizodlarımız çox, qollarımız az oldu. Məsələnin bəxtlə əlaqəsi yoxdur, hücum qurmaq vacibdir. Biz bunu bacarırıq, amma qol vura bilmirik. Nəticəyə görə məyusuq. Yeni ildə hər şeyin daha yaxşı olması barədə düşünməliyik”.