Fransa prezidenti Mbappe haqda: “Mən onun agenti deyiləm”

Fransa prezidenti Emmanuel Makron PSJ-nin hücumçusu Kilian Mbappe haqda danışıb.

Komanda.az “France 5 TV”-yə istinadən xəbər verir ki, prezident Mbappeni böyük futbolçu adlandırıb:

“Mbappe əla futbolçudur. Onun gələcəyi? Mən onun agenti deyiləm. İlk növbədə onu ad günü münasibətilə təbrik edirəm. O, böyük idmançıdır, Fransa millisinin kapitanıdır. 2024-cü ildə Avropa çempionatında oynayacağıq, ümid edirəm ki, qalib gələcəyik”.

Mbappe bu mövsüm Liqa 1-də 17 oyun keçirib, 17 qol vurub və 3 məhsuldar ötürmə edib.