MY niderlandlı qapıçını transfer edə bilər

“Brayton”un qapıçısı Bart Verbruggen “Mançester Yunayted” üçün potensial transfer hədəfidir.

Komanda.az “Sunday Mirror”-a istinadən xəbər verir ki, “qırmızı şeytanlar”ın əsas qapıçısı Andre Onana son vaxtlar özünə inamsızlığına görə tənqid atəşinə tutulub və bu, yeni qolkiperin gətiriləcəyi ilə bağlı fərziyyələrə səbəb olub.

“Mançester Yunayted” transferi 30 milyon funt-sterlinqə (36 milyon avrodan çox) başa gələ biləcək Verbruggeni hədəfləyir. Manuel Noyerin yerinə uzunmüddətli oyunçu axtarışında olduğu üçün “Bayern” də niderlandlı qapıçıya maraq göstərir.

22 yaşlı futbolçu bu mövsüm İngiltərə Premyer Liqasında “Brayton”da keçirdiyi 17 oyunda 25 qol buraxıb. Onun “qağayılar”la müqaviləsi 2028-ci ilə qədərdir.