MY Ten Haqı əvəz edəcək əsas namizədi müəyyənləşdirib

“Mançester Yunayted” tezliklə baş məşqçi dəyişikliyinə məruz qala bilər.

Komanda.az “TeamTalk”-a istinadən xəbər verir ki, “qırmızı şeytanlar”ın cari mövsümün əvvəlindəki zəif çıxışından sonra Erik Ten Haqın klubdakı uzunmüddətli perspektivləri ciddi şübhə altına düşüb. Komandanın nəticələri yaxşılaşmasa, niderlandlı çalışdırıcı yaxın vaxtlarda qovulacaq.

Bu arda, “Mançester Yunayted” artıq Ten Haqı əvəz etmək üçün prioritet namizədi müəyyənləşdirib. Hazırda işsiz olan Tomas Tuxel Premyer Liqaya qayıtmaq istəyir və İngiltərə futbolunun onun məşqçilik fəlsəfəsinə uyğun gəldiyinə inanır.

Almaniyalı mütəxəssis ötən ilin martından 2023/24 mövsümünün sonuna kimi “Bayern”ə rəhbərlik edib.