MY 2 müdafiəçi arasında seçim edəcək

“Mançester Yunayted” yaxın vaxtlarda müdafiənin sol cinahını gücləndirməyə ümid edir.

“Qırmızı şeytanlar” sol cinahda çətinlik çəkir. Bu mövqedə baş məşqçi Ruben Amorimin hər matçda güvənə biləcəyi kifayət qədər ixtisaslaşmış oyunçular yoxdur.

Komanda.az xarici KİV-ə istinadən xəbər verir ki, MY rəhbərliyi yanvarın əvvəlində yeni cinah müdafiəçisi ilə müqavilənin imzalanmasını rəsmiləşdirə biləcəklərinə əmindir. Klub Migel Qutyerres (Jirona) və Alvaro Fernandes (Benfika) arasında seçim edir.

23 yaşlı Qutyerresin dəyəri 25, 21 yaşlı Fernandesin isə 18 milyon avro qiymətləndirilir.

Fernandes bu ilin yayına qədər “Mançester Yunayted”ə məxsus olub. Belə ki, klub geri alqı-satqı bəndi sayəsində onu güzəştli qiymətə qaytara bilər.