MY Reşfordun qiymətini müəyyənləşdirib

“Mançester Yunayted” hücumçu Markus Reşfordla ayrılmaq istədiyi qiyməti təyin edib.

Komanda.az xarici KİV-ə istinadən xəbər verir ki, “qırmızı şeytanlar” 27 yaşlı futbolçunun satışından 60 milyon avro civarında gəlir əldə etmək istəyir.

Reşfordla “Barselona”, ​​PSJ, “Napoli” və Səudiyyə Ərəbistanı klubları maraqlanır.

İngiltərəli forvard cari mövsümdə İngiltərə Premyer Liqasında 15 oyun keçirib, 4 qol vurub və 1 məhsuldar ötürmə edib. Onun “Mançester Yunayted”lə hazırkı müqaviləsi 2028-ci ilin yayında başa çatacaq.