Poqbanın transfer qiymətinə endirim

İngiltərənin “Mançester Yunayted” klubu yarımmüdafiəçisi Pol Poqbanın təzminat qiymətini endirib.

Komanda.az İngiltərə mətbuatına istinadən xəbər verir ki, mövsümün sonunda fransalı futbolçunun ayrılmasına razı olan “qırmızı şeytanlar”, təzminat qiymətini aşağı salıb. “Mançester Yunayted” Poqba üçün 100 milyon avro tələb edir.

Klub keçən yay transfer dövründə yarımmüdafiəçi üçün 180 milyon avro tələb edirdi.

2016-cı ildən “Mançester Yunayted”in şərəfini qoruyan Poqbanın klubla müqaviləsi növbəti mövsümün yayında başa çatacaq. Klub bu yay futbolçunu satmaq niyyətindədir. Poqba cari mövsümdə zədə səbəbiylə sadəcə 8 oyunda forma geyinə bilib.