De Xea İtaliya klubuna keçir

“Mançester Yunayted”in keçmiş qapıçısı David de Xea özünə yeni komanda tapmağa yaxındır.

Komanda.az xarici KİV-ə istinadən xəbər verir ki, bu gün ispaniyalı futbolçu tibbi müayinədən keçmək və “Fiorentina” ilə müqavilə imzalamaq üçün Florensiyaya uçmalıdır. Tərəflər arasındakı müqavilə 2026-cı ilin yayına qədər uzadılma variantı ilə bir mövsümlük olacaq.

De Xea ötən yay “Mançester Yunayted”dən azad agent kimi ayrılsa da, hələ də özünə yeni komanda tapa bilməyib.

33 yaşlı qolkiper “Mançester Yunayted”lə İngiltərə çempionu olub və 13 il “qırmızı şeytanlar”ın əsas qapıçısı kimi çıxış edib.