“Ayaks”a 40 milyon avro təklif edəcəklər

“Mançester Yunayted” “Ayaks”ın yarımmüdafiəçisi Donni van de Bek üçün hərəkətə keçir.

Komanda.az İngiltərə mətbuatına istinadən xəbər verir ki, “qırmızı şeytanlar” yay transfer dövründə 23 yaşlı yarımmüdafiəçini heyətinə qatmaq niyyətindədir. “Mançester Yunayted”in onun üçün “Ayaks”a təklif edəcəyi məbləğ də müəyyənləşib. Məlumata görə, ingilislər bu transfer üçün qarşı tərəfə 40 milyon avro təklif edəcək.

Daha əvvəl “Ayaks” rəhbərliyi sərfəli təklif olacağı halda, niderlandlı futbolçunu satacaqlarını açıqlamışdı.