“Uduzmaq ayıb deyil, amma…” – “Monako”nun baş məşqçisi

“Monako”nun baş məşqçisi Adolf Hütter Fransa çempionatının 13-cü turu çərçivəsində PSJ ilə keçirilən oyundan (2:5) danışıb.

Komanda.az klubun rəsmi saytına istinadən xəbər verir ki, avstriyalı mütəxəssis səhvləri azaltmalı olduqlarını bildirib:

“Bu matçı təhlil etmək asandır: rəqibin qol vurmasına səbəb olan dörd səhvə yol verdik. Bu səviyyədə və PSJ ilə eyni səviyyəli komandaya qarşı bu mümkün deyil. Düzünü desəm, PSJ-nin şanslarını müstəsna şəkildə çevirmələrinə baxmayaraq, bu axşam bizimlə o qədər də fərq görmədim.

Müəyyən məqamlarda hələ də hiss edirdim ki, biz onlarla eyni səviyyədəyik. Aydındır ki, biz burada məğlub ola bilərdik. Uduzmaq ayıb deyil, amma belə beş qol buraxmaq olmaz. İlk 3-lüyə düşmək istəyiriksə, belə səhvlərin sayını məhdudlaşdırmalı olacağıq”.

Fransa çempionatına 13 turdan sonra 30 xalla PSJ başçılıq edir. “Monako” 24 xalla üçüncü pillədə qərarlaşıb.