Mutu və Matias “Beşiktaş”la matçdan öncə jurnalistlərlə görüşəcək

Avropa Konfrans Liqasının 3-cü təsnifat mərhələsi çərçivəsində avqustun 17-də saat 21:00-da Türkiyənin İstanbul şəhərindəki “Beşiktaş” stadionunda keçiriləcək “Beşiktaş”la oyundan öncə “Neftçi”nin baş məşqçisi Adrian Mutu və futbolçu Yuri Matiasın iştirakı ilə mətbuat konfransı təşkil olunacaq.

Komanda.az xəbər verir ki, tədbir bu gün saat 19:30-da “Beşiktaş” stadionunun mətbuat zalında baş tutacaq.

Konfransdan sonra – saat 20:00-da isə komandanın media nümayəndələri üçün açıq məşqi (ilk 15 dəqiqəsi) reallaşacaq.

Bu gün saat 19:00-da “Beşiktaş”ın təlim-məşq bazasında İstanbul təmsilçisinin mətbuat konfransı və açıq məşqi olacaq.