Musa Qurbanlı kubok matçında qol vurdu

Azərbaycan millisinin futbolçusu Musa Qurbanlı İsveçin “Yurqorden” klubunun U-21 komandasında qol vurub.

Komanda.az klubun rəsmi saytına istinadən xəbər verir ki, 22 yaşlı hücumçu “Deqerfors”a qarşı Elit Liqa Kuboku matçında fərqlənib.

Qurbanlı komandasının 4:2 hesablı qələbə qazandığı matçda hesabı açıb.

Musa Qurbanlı cari mövsümdə İsveç çempionatında əsas komandanın heyətində cəmi 2 oyunda şans qazanıb və 30 dəqiqə meydanda olub.