Murad Musayev: “Məqsədimiz daha yaxşı komanda olmaqdır”

“Sabah”ın baş məşqçisi Murad Musayev Azərbaycan Premyer Liqasının 22-ci turu çərçivəsində “Zirə”yə qarşı keçirdikləri oyunu şərh edib.

Komanda.az xəbər verir ki, o, 3:1 hesabı ilə qalib gəldikləri matçdan sonra baş tutan mətbuat konfransında bunları söyləyib:

“Çox parlaq oyun alındı. Komandalar bir-birinə güzəştə getmək istəmirdi. Bu gün əlimizə düşən qol fürsətlərindən yararlana bildik. Eyni zamanda, komanda olduğumuzu göstərdik.

Avrokubok şansları barədə danışmaq istəmirəm. Artıq hər oyuna final kimi baxacağıq. Hazırda öz məşqlərimizə köklənməliyik. Məqsədimiz daha yaxşı komanda olmaqdır. Başqa heç nə haqqında düşünmürük.

Növbəti turda “Neftçi” ilə qarşılaşacağıq. Çətin və maraqlı qarşılaşma olacaq. Bu komanda ilə oyunlarımız çox xoşuma gəlir”.

Mehri Qurban